Qarorga belgilanishicha, filial:
universitetning alohida tarkibiy boʻlinmasi hisoblanadi;
taʼlim faoliyatini 2021/2022 oʻquv yilidan boshlaydi;
kadrlar tayyorlashni kunduzgi, keyinchalik sirtqi va boshqa taʼlim shaklida olib boradi;
bitiruvchilariga Oʻzbekiston Respublikasida oliy maʼlumot toʻgʻrisidagi hujjat sifatida tan olinadigan Universitetning belgilangan namunasidagi diplomini beradi;
taʼlim jarayonini rus tilida, keyinchalik boshqa tillarda olib boradi.
Filialga talabalarni oʻqishga qabul qilish davlat granti hamda toʻlov-kontrakt asosida amalga oshiriladi. Bunda, davlat granti asosida taʼlim olgan filial bitiruvchilari uch yildan kam boʻlmagan muddatga majburiy ishlab berish sharti bilan Oʻzbekiston Respublikasining davlat organlari va tashkilotlariga taqsimlanadi;
Filial Toshkent davlat sharqshunoslik universitetining Toshkent shahar Mirobod tumani, Shahrisabz koʻchasi, 16-uy manzilida joylashgan bino va inshootlariga tekin foydalanish huquqi bilan joylashtiriladi.
Qarorga asosan filialda quyidagi bakalavriat taʼlim yoʻnalishlari va magistratura mutaxassislari boʻyicha kadrlar tayyorlanadi:
1. Filologiya (sharq tillari boʻyicha);
2. Mamlakatshunoslik va xorijiy mamlakatlar iqtisodiyoti (sharq mamlakatlari boʻyicha);
3. Biotibbiyot (kimyo, fizika, psixologiya va boshqalar).
Izoh berilishicha, bakalavriat taʼlim yoʻnalishlari va magistratura mutaxassislari roʻyxatiga buyurtmachi tashkilotlar ehtiyojlarini hisobga olib, Sogʻliqni saqlash vazirligi hamda “Sankt-Peterburg davlat universiteti” Federal davlat byudjeti oliy taʼlim muassasasi bilan kelishgan holda Oliy va oʻrta maxsus taʼlim vazirligi tomonidan oʻzgartirish va qoʻshimchalar kiritilishi mumkin.
Taʼlim inspeksiyasi matbuot kotibi kanaliga ulanish