Shu kunlarda poytaxtimizda oʻtkazilayotgan Toshkent xalqaro kinofestivali va unga tayyorgarlik yuzasidan olib borilgan ishlar fikrimizga tasdiq boʻla oladi.
Shunday tadbirlardan yana biri poytaxtimizdagi 4 ta umumtaʼlim maktabiga milliy kino sanʼati namoyondalari nomining berilishi boʻldi.
Xalq deputatlari Toshkent shahar Kengashining qaroriga koʻra, Yunusobod tumanidagi 96-sonli umumtaʼlim maktabiga Nabi Gʻaniyev, Chilonzor tumanidagi 138-sonli umumtaʼlim maktabiga Yoʻldosh Aʼzamov, Shayxontohur tumanidagi 169-sonli umumtaʼlim maktabiga Komil Yormatov, Mirzo Ulugʻbek tumanidagi 222-sonli umumtaʼlim maktabiga Shukur Burxonov nomi berildi.
