Toshkent shahar hokimi Shavkat Umurzoqov poytaxtning barcha tumanlaridagi yoʻllarni taʼmirlash uchun Shaharni rivojlantirish jamgʻarmasi mablagʻlaridan 12 mlrd soʻm ajratish toʻgʻrisidagi qarorni imzoladi.
Shunday qilib, koʻrsatilgan maqsadlar uchun har bir tumanga 1 mlrd soʻmdan ajratiladi. Ajratilgan mablagʻlar tuman obodonlashtirish boʻlimlari boshqaruviga oʻtkaziladi.
Avvalroq, 2025-yilda joriy va kapital taʼmirlash talab qilinadigan koʻchalar roʻyxatini oʻz ichiga olgan manzilli taʼmirlash dasturi ishlab chiqilgani maʼlum qilingandi. Dastur doirasida umumiy maydoni 65 000 m² dan ortiq boʻlgan yoʻllarni taʼmirlash rejalashtirilgan.
