Taqdimot davomida yigʻilgan mehmonlarga kompaniya tomonidan amalga oshirilgan ishlar toʻgʻrisida hisobot, shuningdek, parvoz qiladigan yangi yoʻnalishlar haqida maʼlumot berildi.

Tadbirda “Oʻzbekiston havo yoʻllari” Milliy aviakompaniyasi, Transport vazirligi, Turizmni rivojlantirish davlat qoʻmitasi vakillari, Oʻzbekistonning sayyohlik operatorlari, shuningdek, jamoatchilik va ommaviy axborot vositalari vakillari ishtirok etdi. Birinchi milliy sayyohlik operatori “Asialuxe Travel” – 2018-yil noyabr oyida tashkil etilgan va endilikda jadal rivojlanayotgan kompaniya.

Taqdimotda kompaniya faoliyatiga doir rolik namoyish etildi. Kompaniyaning oʻziga xos xususiyati B2B va B2B formatida aviachiptalarni / tur paketlarini bron qilish uchun noyob dasturiy taʼminotga ega ekanligidadir.

Shuningdek, kompaniya COVID-19 pandemiyasi davrida Oʻzbekiston fuqarolari uchun Istanbulga evakuatsiya reyslarini amalga oshirdi. “Oʻzbekiston Respublikasi hukumati sayyohlik faoliyatini, yaʼni ichki va chiqish turizmini rivojlantirishga katta eʼtibor qaratmoqda.

– Milliy sayyohlik operatorining maqsadi mamlakatimizning har bir fuqarosi uchun sayohat qilish imkoniyatlarini yaratishdir. Bundan tashqari, biz sayohatni iloji boricha qulay va maroqli boʻlishidan manfaatdormiz”, – dedi “Asialuxe Travel” direktori Sirojiddin Toshmuhammedov oʻz nutqida. Shuningdek, taqdimot davomida 2021-yilga moʻljallangan rejalar bilan ham tanishtirildi.