Nizomga koʻra, festival 2022-yildan boshlab har ikki yilda bir marta oktyabr oyining soʻnggi oʻn kunligida Toshkent shahrida Oʻzbekiston va xorijiy mamlakatlarning teatr jamoalari ishtirokida tashkil etiladi.
Mazkur festival yillar kesimida teatr sanʼatining aniq bir janr va yoʻnalishlarida quyidagi ketma-ketlikda oʻtkaziladi:
➖dramatik teatrlar festivali (birinchi marta);
➖musiqali teatrlar festivali (ikkinchi marta);
➖qoʻgʻirchoq teatrlari festivali (uchinchi marta);
➖yosh tomoshabinlar teatrlari festivali (toʻrtinchi marta).
Festivalda ishtirok etish istagini bildirgan ishtirokchilar festival oʻtadigan yilning 1-fevraliga qadar festivalning maxsus elektron manzili orqali ariza berishlari mumkin.
