Maʼlumotlarga koʻra, voqea shu yilning 13-aprel kuni soat 22:00 larda Bektemir tumani Xonobod koʻchasida sodir boʻlgan.
Toshkent shahar IIBB YHXB axborot xizmatining maʼlum qilishicha, 1998-yilda tugʻilgan D.A. “Hawo“ rusumli yuk avtomashinasini boshqarib ketayotib, yoʻlning belgilanmagan qismidan kesib oʻtayotgan 1969-yilda tugʻilgan piyoda G.D.ni urib yuborgan.
Hozirda holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qoʻzgʻatilgan. Tergov harakatlari davom etmoqda.
