Bu boʻyicha shahar hokimining qarori qabul qilindi.
Qarorda “Veolia Energy Tashkent” MCHJ XK tomonidan koʻrsatiladigan markazlashgan issiqlik taʼminoti xizmatlari uchun quyidagi narx (tarif)lar tasdiqlandi:
- tartibga solinadigan bazaviy narx (tarif) va byudjet tashkilotlari tarifi amaldagi darajasida (mos ravishda QQSsiz 664 465 soʻm/Gkal va 801 963 soʻm/Gkal);
- aholi uchun 121 617 soʻm/Gkal (QQSsiz); boshqa ulgurji tashkilotlarga 244 497 soʻm/Gkal (QQSsiz).
Aholiga issiqlik taʼminoti xizmatlari boʻyicha pasaytirilgan tariflar qoʻllanilishi natijasida yuzaga keladigan zararlar va investitsion xarajatlarga asoslantirilgan hisob-kitoblarga muvofiq, Toshkent shahar mahalliy byudjeti hisobidan har oyda subsidiyalar ajratish orqali qoplab beriladi.
Bunda, subsidiya mablagʻlari “Veolia Energy Tashkent” MCHJ XK va Toshkent shahar Davlat-xususiy sheriklik boʻlimi tomonidan taqdim qilinadigan hisob-kitoblarga koʻra oʻzgarmas, oʻzgaruvchan xarajatlar hamda investitsion xarajatlarga boʻlingan holda moliyalashtirib beriladi.
