MOQ qoshidagi Respublika sport tibbiyoti ilmiy-amaliy markazi tomonidan tashkil etilayotgan mazkur tadbirda Turkiya, Germaniya, Rossiya qatori yurtimizdan sohada ulkan tajribaga ega boʻlgan mutaxassislar oʻz bilimlari bilan oʻrtoqlashadi.
Anjumanda mutaxassislar sohada innovatsion texnologiyalardan foydalanish, sportda travmatizm muammolari, sport genetikasi, jarohatlarga toʻgʻri tashxis qoʻyish, reabilitatsiyada lazer, magnit va zarb-toʻlqinli terapiyani qoʻllash kabi mavzularida maʼruza va amaliy tadbirlar boʻlib oʻtishi belgilangan.
Oʻzbekiston Milliy Olimpiya qoʻmitasi sport tibbiyoti sohasiga qiziqqan mutaxassislarni ushbu tadbirga taklif etadi. Anjuman 23-aprel kuni soat 9:30 dan 17:30 gacha boʻlib oʻtadi, deb xabar beradi qoʻmita matbuot xizmati.