Yigʻilishni ishchi guruh aʼzolarining tabrik soʻzlari, oʻz yurtlarida media sohasida amalga oshirilgan ishlar, yangiliklar, islohotlar, hamkorlik yuzasidan taklif va tashabbuslari tinglandi. Shuningdek, TDT sammitlari doirasida tashkilotga aʼzo davlatlar rahbarlarining tashriflari davomida ilgari surilgan tashabbuslarni amalga oshirish chora-tadbirlari, hamkorlik istiqbollari muhokama qilindi.
Kunning ikkinchi yarmida TDTga aʼzo mamlakatlarning koʻzga koʻringan yetuk media ekspertlari, axborot agentliklari, OAV vakillari, mutasaddilari ishtirokida Media-forum boʻlib oʻtdi. Media forumda «Axborot sohasida TDTga aʼzo mamlakatlar oʻrtasidagi hamkorlikning hozirgi holati va istiqbollari« yuzasidan maʼruzalar takdim etildi.
Forum doirasida TDTga aʼzo Davlatlar axborot sohasidagi yuqori martabali mutasaddilari tomonidan «Global axborot asrida dezinformatsiya va soxta axborotlarga qarshi kurashish« yoʻnalishida erishilgan natija va yutuqlar, mavjud kamchiliklar, muammolar, ularga samarali yechim topish boʻyicha hamkorlikni kengaytirish yuzasidan muloqot boʻlib oʻtdi.
