«Toshshaharnur»ning maʼlum qilishicha, bu kunlik elektr energiyasi sarfini 25 foizga kamaytirdi yoki oktyabr oyida oʻrtacha kunlik isteʼmoli 115,9 ming kVt-soat boʻlsa, noyabr oyida mazkur koʻrsatkich 87,8 ming kVt-soatni tashkil etdi.

Natijada kuniga 28 100 kVt-soat yoki oyiga 843 000 kVt-soat elektr energiyasi tejaldi. Taqqoslash uchun ushbu tejalgan elektr energiyasi respublikadagi 4 400 ta xonadonning oʻrtacha bir oylik isteʼmolini tashkil etadi.