Bu haqda Ichki ishlar vazirligi yoʻl harakati xavfsizligi boshqarmasi xabar berdi.
Qayd etilishicha shu yilning 5-oktyabr kuni soat 06:05 larda Mirobod tumani Oybek-Shahrisabz koʻchalari chorrahasida “Cobalt” rusumli avtomashinasi va “Nexia-3” rusumli avtomashinalari toʻqnashishi oqibatida yoʻl transport hodisasi sodir boʻldi. Toʻqnashuvdan soʻng Nexia-3 avtomashinasida yongʻin yuzaga kelgan.
Yongʻin tuman FVB xodimlari tomonidan bartaraf etilgan.
Yongʻin natijasida tan jarohat olganlar boʻlmagan.
Mazkur hodisa yuzasidan YHXB hamda FVB xodimlari tomonidan surishtiruv olib borilib, yongʻin yuzaga kelishining sabablariga aniqlik kiritilmoqda.
