Favqulodda vaziyatlar vazirligi maʼlumotiga ko‘ra, hodisa bugun «Saksonota» mahallasidagi xonadonlardan birida sodir bo‘lgan. Soat 13:47 da navbatchilik qismiga qarovsiz qolgan bola chuqurga o‘rnatilgan quvur ichiga tushib ketgani haqida xabar kelib tushgan.

Xabar ortidan qutqaruvchilar zudlik bilan voqea joyiga yetib borib, maxsus asbob-uskunalar yordamida quvur ichida qolib ketgan bolani qisqa vaqt ichida olib chiqqan.

Shundan so‘ng bola tibbiyot xodimlariga topshirilgan. Shifokorlar maʼlumotiga ko‘ra, uning ahvoli yaxshi.

FVV ushbu holat munosabati bilan ota-onalarni kichik yoshdagi farzandlarni qarovsiz qoldirmaslikka chaqirdi.