“Lekin boshqa tomonning [Suriyadagi yangi hukumat] ortida kim turganini hech kim bilmaydi, lekin men bilaman. Bu Turkiya. Yaxshimi? Buning ortida Turkiya turibdi. U [Turkiya prezidenti Rejep Tayyip Erdog'an] juda aqlli odam”, dedi Tramp, o'zining Mar-a-Lago mulkida (Florida) noyabrdagi saylovlarda g'alaba qozonganidan keyingi birinchi matbuot anjumanida.
Uning so'zlariga ko'ra, “ular buni [Asadning ag'darilishini] 1000 yil davomida xohlashgan va u bunga erishgan va mamlakatga kirgan odamlar Turkiya tomonidan nazorat qilinadi”.
Avvalroq Turkiya tashqi ishlar vaziri Xoqon Fidan Anqara Suriyadagi qurolli muxolifatning Asad ma'muriyatining qulashiga olib kelgan operatsiyasida ishtirok etmaganini ma'lum qilgandi.
27-noyabr kuni Suriya muxolifati qurolli guruhlari Aleppo va Idlib viloyatlarida hukumat pozitsiyalariga qarshi keng ko'lamli hujum boshladi. 7-dekabr oqshomida Asadning raqiblari bir qancha yirik shaharlarni: Halab, Dayr-az-Zor, Dar'a, Xama va Homsni egallab oldi. 8-dekabr kuni ular Damashqqa kirishdi, shundan so'ng Suriya armiyasining bo'linmalari poytaxtni tark etdi. Suriya ichki muzokaralaridan so'ng Asad prezidentlikdan iste'foga chiqdi va mamlakatni tark etdi, deb xabar beradi tass.ru.
