1-30-noyabr kunlari davomida 55 yoshdan oshgan ayollar va 60 yoshdan oshgan erkaklarga barcha mahalliy yoʻnalishlar boʻyicha 20 foizli chegirma taqdim etiladi.
Kompaniyadan maʼlum qilishlaricha, ushbu aksiya “Afrosiyob” tezyurar poyezdlariga amal qilmaydi.
Chiptalarni “Oʻztemiryoʻlyoʻlovchi” kompaniyasi kassalaridan shaxsni tasdiqlovchi hujjat (pasport yoki ID-karta)ni taqdim etgan holda xarid qilish mumkin.
Oʻzbekiston Respublikasi Vazirlar Mahkamasining 2020-yil 28-maydagi “Keksalarni davlat tomonidan qoʻllab-quvvatlash tizimini yanada takomillashtirish toʻgʻrisida”gi qaroriga koʻra, har yili noyabr oyida keksalar uchun turizm oyligi boʻlib oʻtadi.
Oylik doirasida keksalar va nogironlarni qoʻllab-quvvatlash, ularning boʻsh vaqtini mazmunli oʻtkazish maqsadida turli loyihalar amalga oshirilib, yurtimizning diqqatga sazovor qadamjolariga sayohatlar tashkil etiladi.
