Bu qaror Turkiyaning o'z chegaralari ustidan nazoratni kuchaytirish siyosatida muhim qadam bo'ldi. Mamlakat g'arbidagi yangi konstruksiyaning umumiy uzunligi 8,5 kilometrni tashkil qiladi.
Ma'lum bo'lishicha, bu chora-tadbirlar migratsiya oqimi ustidan nazoratni kuchaytirish va noqonuniy muhojirlikka qarshi kurashishga qaratilgan. Panjara va devor qurilishi mintaqada xavfsizlikni oshirish va chegarani noqonuniy kesib o'tish bilan bog'liq xavflarni kamaytirishga qaratilgan.
Loyiha Turkiyaning g'arbiy chegarasini noqonuniy yo'llar bilan kesib o'tishga urinishlar ko'payishi ortidan, ayniqsa qo'shni davlatlardagi iqtisodiy va siyosiy o'zgarishlar sharoitida boshlangan.
Turkiya hukumati yangi tuzilma ikki davlat chegarasida kontrabanda va boshqa noqonuniy harakatlarga qarshi kurashda ham yordam berishini ta'kidlamoqda. Edirne hokimi Yunus Sezer 325 kilometrlik chegara yo'llarini obodonlashtirish va qurish ishlari o'tgan yilning sentabr oyida yakunlanganini aytdi. Joriy yilda Turkiya Ichki ishlar vazirligi va Milliy mudofaa vazirligi ko'magida optik-elektron minoralar va boshqa texnik vositalar qurilishi davom ettiriladi, deb xabar beradi inform.kz.
