Qo'shma Shtatlarda "uchar likopcha" — disk ko'rinishidagi bir o'rindiqli havo taksisi prototipi yaratildi.

Amerikaning Zeva Aero startapi “uchar likopcha” ko'rinishidagi Zeva Zero havo taksisining to'liq o'lchamli prototipini taqdim etdi. Diametri 2,4 metr bo'lgan disk shaklidagi uglerod tolali korpus samolyotni havoda ushlab turish uchun etarlicha ko'targichni yaratadi, shuning uchun havo taksisiga qanot kerak emas.

Zeva Zero 25 kilovatt-soat quvvatga ega akkumulyatorlarning bir marta zaryadlanganida soatiga 257 kilometr tezlikka erishish va 80 kilometrgacha uchish imkonini beruvchi to'rtta elektr motoridan foydalanadi.

Havo taksisi vertikal ravishda osmonga ko'tariladi va qo'nadi ("dumida"), lekin parvozdan keyin gorizontal holatga o'tadi. Uchish qurilmasining boshlang'ich narxi 250 000 dollarni tashkil qiladi. Bu haqda Intellektual mulk agentligi axborot xizmati ma'lum qilmoqda.