Uchrashuvda YETTB ishtirokidagi “D 213 “Urganch—Xonqa—Hazorasp—Amudaryo daryosi—A380” avtomobil yoʻlining 0—84-km qismini rekonstruksiya qilish“ loyihasi boʻyicha muzokaralar olib borildi.
Loyiha Oʻzbekiston Respublikasi Prezidentining 2024-yil 8-noyabrdagi PQ-390-son qaroriga muvofiq amalga oshirilmoqda. Loyiha doirasida YETTB bilan 2024-yil 2-mayda 238 mln dollarlik qarz bitimi imzolangan. Loyihaning umumiy qiymati 294,1 mln dollarini tashkil qiladi, shundan YETTB qarz mablagʻlari–238 mln dollar, Oʻzbekiston Respublikasining ulushi – 56,1 mln dollar qilib belgilangan.
Loyiha doirasida 84 km uzunlikda 4 tasmali (hozirda 2 tasmali) sement-beton qoplamali avtomobil yoʻli quriladi, qiymati 15,8 mln dollarlik 43 ta koʻprik (1000 pm), 27 mln dollarlik 2 dona yoʻl oʻtkazgichlari (1000 pm), 1,7 mln dollarlik 3 ta yerusti piyodalar oʻtish yoʻllari hamda 70 km piyodalar va velosiped yoʻlaklari barpo etiladi.
Uchrashuvda, shuningdek, “Toshkent-Samarqand“ pullik avtomobil yoʻlini qurish loyihasining joriy holati yuzasidan ham muzokaralar boʻlib oʻtdi. Tomonlar har ikki loyihani jadallashtirish boʻyicha oʻz takliflarini berishdi.
