Sinoptiklar ogohlantirganidek, oʻtgan dam olish kunlari Oʻzbekiston hududiga Ural hududlaridan salqin havo kirib keldi va havo harorati barcha oylarda 29-32 darajagacha, janubiy hududlarda 34-35 darajagacha pasaydi.
Bugun va ertaga respublika hududi boʻyicha salqin ob-havo saqlanib turadi, harorat kechalari 13-16 daraja, kunduz kunlari 27-32 daraja, janubda 35 darajagacha boʻladi. Bu avgust oyi oʻrtasi uchun meʼyoriy qiymatlardan 2-4 darajaga pastdir.
Hafta oʻrtasidan salqin havo massasi respublika hududidan asta-sekin chekina boshlaydi, havo harorati koʻtariladi va hafta oxiriga kelib, kechalari 17-20 daraja, kunduz kunlari 34-37 daraja atrofida boʻladi.
Ushbu kunlarda hududning katta qismida quruq va kam bulutli ob-havo saqlanib turadi, faqat Fargʻona viloyatining ayrim togʻli hududlarida bugun kechga tomon qisqa muddatli yomgʻir yogʻishi, momaqaldiroq boʻlishi mumkin.
14-15-avgust kunlari respublika boʻyicha baʼzi joylarda shamol tezligi 15-20 m/s gacha kuchayadi, ayrim joylarda chang-toʻzon bilan kuzatiladi.
Poytaxtimizda: 14-18-avgust kunlari havo kam bulutli boʻladi. Bugun va ertaga harorat 29-32 daraja boʻladi, soʻng 34-37 darajagacha asta-sekin koʻtariladi. Hafta boshida harorat kechasi va ertalab 13-16 daraja, hafta oxiriga kelib 17-20 daraja boʻladi. Shamol sharqdan birozdan oʻrtachagacha esadi.
