Ijtimoiy tarmoqlar va Telegram kanallarida Oʻzbekiston Respublikasi Prezidenti rasmiy sayti — "www.president.uz"ga oʻxshash soxta veb-sayt havolasi (www.president-uz.link) bilan birga “bolalari bor har bir oilaga 650 000 soʻmdan byudjetdan pul ajratilishi” haqidagi xabarlar tarqatilmoqda.
Ushbu feyk havola orqali oʻtgan fuqarolardan esa shaxsga doir hamda plastik karta toʻgʻrisida maʼlumotlarni kiritish soʻraladi.
Fuqarolardan bu kabi soxta saytlarga kirmaslikni soʻrab, virtual firibgarlardan ogoh boʻlishga chaqiramiz.
Eslatib oʻtamiz, aholi oʻrtasida yolgʻon axborot tarqatganlik uchun javobgarlik mavjud.
