– Oʻzbekistonga 2 yil muqaddam kelgan edik. Qarang, qanchalik ulkan oʻzgarishlar yuz beribdi. Aeroportdan chiqqanimizda oʻzimning qadrdon Toshkentimni taniy olmay qoldim. Oʻzbekistonda har bir sohada keng koʻlamli islohotlar amalga oshirilyapti. Men Rossiyada turib, jonajon yurtimdagi ulkan oʻzgarishlardan faxrlanaman. Bugun odamlar kayfiyati ham koʻtarinki. Mamlakatdagi oʻzgarishlardan rozi ekani yuz-koʻzidan koʻrinib turibdi. Ishonamanki, keyingi safar kelganimizda Oʻzbekiston erishgan yutuqlar bugungidan-da faxrli boʻladi.
