Ayniqsa, keyingi yillarda institutning o'quv dasturlari va ilmiy tadqiqotlari bevosita amaliy ishlar bilan chambarchas bog'lanib bormoqda.

Davlatimiz rahbarining  shu yil 5-maydagi “Sog'­liqni saqlash tizimida olib bori­layotgan islohotlarni izchil davom ettirish va tibbiyot xodimlarining salohiyatini oshirish uchun zarur shart-sharoitlar yaratish to'g'ri­sida”gi farmoniga asosan,  institut xodim­laridan iborat 8 ta ishchi guruh shakllantirilib, viloyatdagi oilaviy poliklinikalarga birik­tirildi. Tuman va shaharlardagi 26 ta oilaviy poliklinikaning tibbiy xaritasi ishlab chiqildi.

Kasalliklar ko'rsatkichlarini inobatga olib, viloyat sog'liqni saqlash boshqarmasi bilan ham­korlikda 15 ta kafedraning klinik bazalari tuman tibbiyot birlashmalariga joylashtirildi. Ularga 418 nafar bitiruvchi kurs talabasi biriktirildi va 75 ilmiy xodim mas'ul etib tayinlandi.

O'tgan vaqt mobaynida viloyat­ning har bir tuman tibbiyot bir­lashmasiga qarashli shifoxonalar, ko'p tarmoqli markaziy polikli­nikalar, oilaviy poliklinika va oilaviy shifokorlik punktlari­da dars jarayoni hamda bemorlar ko'rigi yo'lga qo'yilib, 4463 bemor ko'rikdan o'tka­zildi. Ularning 2350 nafariga uy, 601 nafariga esa,  statsionar sharoitda davolanish uchun tavsiyalar berildi. Ko'plab bemorlarga professor-o'qituvchilar tomonidan amaliy tibbiy yordam ko'rsatilib, 20 ga yaqini operatsiya qilindi.

Samarqand davlat tibbiyot instituti respublikamizning nufuz­li oliy ta'lim muassasalaridan tashqari Evropa, Osiyo va Amerika­ning ko'plab ilmiy-tadqiqot tashki­lotlari, oliy tibbiy ta'lim muas­sasalari bilan aloqa o'rnatgan va memorandumlar imzolagan. Bu bizga mazkur tibbiyot muassasalar bilan hamkorlikda ilmiy izlanishlar olib borish, professor-o'qituvchilarni jalb qilish hamda talabalar va o'qituvchilarning akademik alma­shinuv dasturlarini keng joriy qilish imkonini bermoqda.

Institutda 2021-yildan boshlab Yevropa Ittifoqining “ERASMUS” dasturi doirasida umumiy qiymati 2 million yevroni tashkil etuvchi 2 ta xalqaro akademik grant loyiha, shuningdek, AQSHning “Smile Trend” tashkilotining granti hisobidan stomatologiya va yuz-jag' jarrohli­gi sohasida ilmiy loyiha amalga oshirilmoqda.

Shiddat bilan rivojlanayotgan jamiyatimizda kelgusida xalqaro mehnat bozori talablariga javob beradigan kuchli tibbiyot kadrla­rini tayyorlash va sifatini oshi­rish, yosh mutaxassislarni ish bilan ta'minlash masalasida ham tibbiyot muassasalari bilan hamkorlik yo'l­ga qo'yilgan. Institutning xalqaro miqyosda o'z o'rnini topib borayotga­nini bugungi kunda bu erda ta'­lim olayotgan 500 ga yaqin xorijiy talablar misolida ko'rishimiz mumkin.

Samarqand davlat tibbiyot instituti mamlakatimizdagi oliy ta'lim muassasalari orasida birinchilar qatori xalqaro ISO sertifikatiga ega bo'ldi. Bu ta'lim jara­yoni xalqaro standartlarga mos ravishda davom etayotgani, xalqaro reytinglarga kirish imkoniyatimiz oshib borayotga­nidan dalolat. Eng asosiysi, bu o'zgarishlar yurtimizdagi ta'lim va tibbiyot tizimidagi islohotlar natijasidir.

Jasur RIZAYEV,

Samarqand davlat tibbiyot instituti rektori, professor