Xavfsiz yoʻllarni loyihalash masalalari muhokama etildi

    Transport 12 Mart 2024 639

    Transport vazirligida BMTning Osiyo va Tinch okeani uchun iqtisodiy va ijtimoiy komissiyasi “Markaziy Osiyoda yoʻllarni xavfsiz va inklyuziv loyihalash” dasturi boʻyicha uchrashuv boʻlib oʻtdi.

    Mazkur loyiha BMTning Yoʻl harakati xavfsizligi jamgʻarmasi tomonidan moliyalashtiriladi.

    Loyiha Xalqaro avtomobil yoʻllarini baholash dasturi (iRAP), Xavfsiz va barqaror transport Sharqiy alyansi (EASST), Xalqaro yoʻl federatsiyasi (IRF) tashkilotlari hamkorligida taqdim etilgan.

    Dastur doirasida yoʻllarni loyihalash jarayonida qoʻllanilayotgan standartlarni har tomonlama oʻrganish va tahlil qilish orqali takomillashtirish maqsad qilingan.

    Uchrashuv davomida xorijlik mutaxassislar yoʻllarda xavfsizlikni taʼminlash, xavfsiz yoʻllarni loyihalash, yoʻl muhandisligi masalalari boʻyicha taqdimotlar oʻtkazdi, deb xabar beradi Transport vazirligi matbuot xizmati.