NearLinkni ishlab chiqishda 300 ta turli tashkilotlar ishtirok etdi. Texnologiya butunlay tayyor va turli xil qurilmalarning yangi modellarida joriy etilmoqda.
NearLinkning Bluetoothga nisbatan asosiy afzalliklari:
Energiya iste'moli 60 foiz kamroq;
Ma'lumotlarni uzatish tezligi 6 barobar tezroq;
Ma'lumotlar almashinuvidagi kechikish 30 baravar kamroq;
Nosozliklardan himoyalanish 7 dBga oshdi;
Qamrov maydoni ikki baravar ko'p;
Bir vaqtning o'zida tarmoq ulanishlari 10 barobar ko'proq.
NearLink universal aloqa tizimi sifatida qaralmoqda. U deyarli har qanday yaqinlikdagi qurilmalar – gajetlar, kompyuterlar, aqlli uy obyektlari, taqiladigan elektron vositalar, maishiy texnika, sanoat qurilmalari va elektr transport vositalarida ishlatilishi mumkin. Texnologiya allaqachon Huawei HarmonyOS 4 operatsion tizimiga integratsiya qilingan. Undan smartfonining so'nggi modeli Huawei Mate 60 da ham foydalanish mumkin, deb xabar beradi techcult.ru.