Bu haqda Xinhua xabar berdi.
Tadqiqot Nankay universiteti boshchiligidagi olimlar guruhi tomonidan o'tkazildi. Natijalar Cell Reports Medicine jurnalida chop etildi.
— Biz ilgari e'tibordan chetda qolgan ribosomal disfunksiya tuxum sifatining yomonlashuviga sabab bo'lishini aniqladik, dedi Nankay universiteti olimi Li Sze.
Tadqiqotga ko'ra, 35 yosh atrofidagi ayollarda ribosomal genning haddan tashqari faolligi boshlanadi. Bu normal oqsil sintezini buzadi, xromosomalarning ajralishida xatolarga olib keladi va embrion rivojlanishiga xalaqit beradi.
Jamoa ribosomal translyatsiyani tejovchi rapamitsin dori vositasini sinovdan o'tkazdi. Qisqa muddatli terapiya ribosomal faollikni pasaytirdi, oqsil muvozanatini tikladi va tuxum sifatini yaxshiladi.
Kichik klinik sinovda bir nechta ayollar ushbu davolashdan so'ng yuqori sifatli blastotsistlarni olishga muvaffaq bo'lishdi. Bu muvaffaqiyatli homiladorlik va sog'lom bolalar tug'ilishiga hissa qo'shdi.
Shansi bolalar shifoxonasi vakili U Syuytsin natijalar umid baxsh etayotganini va yoshga bog'liq bepushtlikni tushunish va davolashning yangi usullarini ochib berishini ta'kidladi. Uning qo'shimcha qilishicha, davolash protokolining samaradorligini tasdiqlash va oshirish uchun keng ko'lamli klinik sinovlar zarur, deb xabar berdi oz.inform.kz.
Avvalroq Xitoy umrni 120 yilgacha uzaytira oladigan dori ishlab chiqayotgani haqida xabar qilingan edi.
