Sh.M. Mirziyoevning 2020-yil dekabrida Xorazm viloyatiga tashrifi chog‘idagi topshirig‘i, shuningdek, O‘zbekiston Respublikasi Prezidentining «Boshqaruvni yanada takomillashtirish va rivojlanishni jadallashtirish chora-tadbirlari to‘g‘risida»gi qaroriga muvofiq amalga oshirilgan loyiha 2017-2021-yillarda avtomobilsozlik sanoati Chevrolet Damas uchun 114 qism va Labo uchun 152 ta ehtiyot qismlar yetkazib berib, yillik import hajmini 20 million dollardan ziyodga kamaytiradi. Shu bilan, Damas-ni mahalliylashtirish darajasi 31% dan 45% gacha, Labo esa 11% dan 45% gacha ko‘paytiriladi.
Voqyeani sharhlar ekan, «O‘zavtosanoat» AJ boshqaruvi raisi Shavkat Umurzoqov shunday dedi:
«Ushbu loyihaning boshlanishi avtomobilsozlik sanoatining barqaror o‘sishi va rivojlanishini ta’minlash nuqtai nazaridan respublikani iqtisodiy rivojlantirish strategiyasiga to‘liq mos keladi. Gap nafaqat zamonaviy texnologiyalarni joriy etish, balki yuzlab yuqori malakali ish o‘rinlarini yaratish va aynan qaerda ularga zudlik bilan ehtiyoj borligi haqida ketmoqda. Hududdagi aholining umumiy farovonligini hisobga olgan holda, 30 ga yaqin xodim «Temir daftar»dan, «Yoshlar daftari»dan yuzdan ortiq yoshlar vakillari ish bilan ta'minlandi. Biznesning ijtimoiy tarkibiy qismi biz uchun rentabellik va samaradorlik bilan birga har doim ham ustuvor yo‘nalish bo‘lib kelgan va shunday bo‘lib qolmoqda, shuning uchun yangi ishlab chiqarish mahalliy byudjetga soliq tushumlarini 12 milliard so‘mga oshirishini, bu esa hududni rivojlantirishga aniq hissa qo‘shishini ta'kidlashni muhim deb bilaman».
Eksport dasturiga e’tibor qaratsak, yangi majmuaning ishga tushirilishi «UzAuto Motors» AJ Xorazm filiali mahsulotlarini eksport qilish hajmini 50 foizga oshirish imkonini beradi. Agar 2020-yilda Damas va Labo avtomobillari 7 million dollar miqdorida eksport qilingan bo‘lsa, 2021-yilda bu ko‘rsatkich 10 million dollardan oshishi va 2022-yilda 15 million dollarga yetkazilishi rejalashtirilgan.
«UzAuto Motors» filiali hududida joylashgan yangi noyob press-sex hududning rivojlangan infratuzilmasiga juda mos keladi. Viloyat markazining shahar yo‘llariga va shaharlararo yo‘nalishlarga chiqishdan tashqari, zavod o‘zining temir yo‘l liniyasiga ega, bu esa logistika xarajatlarini minimallashtiradi. Biroq, loyihaning asosiy maqsadi, albatta, tayyor mahsulot narxini pasaytirish orqali raqobatbardoshlikni oshirishdir. Ushbu dastgohda Damas va Labo uchun 266 butlovchi qismlar ishlab chiqariladi, bu ularning lokalizatsiyasini darhol 25% ga oshiradi», – deya ta’kidladi UzAutoMotors bosh direktori Rustam Rajabov.
Agar 2018-yilda Xorazm viloyatidagi UzAuto Motors zavodining ishlab chiqarish quvvatini yiliga 40 tadan 70 mingtagacha oshirilgan bo‘lsa, 2022-yilda bu ko‘rsatkichni 100 mingtaga yetkazish rejalashtirilgan. Tayyor mahsulot tannarxi 4,9 trillion so‘mdan 6,6 trillion so‘mgacha o‘sadi, natijada byudjetga 1,3 trillion so‘m kelib tushadi.
Ta’kidlanishicha, loyihaga jami sarmoyalar «UzAuto Motors» AJning o‘z mablag‘lari hisobidan ajratilgan 48 million dollarini tashkil etdi. Shu bilan birga, yillik ishlab chiqarish hajmi 40 million dollar darajasida rejalashtirilgan va sof foyda 13 million dollarini tashkil etadi, debxabar beradi «UzAuto Motors» AJ matbuot xizmati.
