Yaponiyada rekord vaqt ichida yangi temir yo'l stansiyasi qurildi, uning qismlari 3D-printerida bosildi, deb xabar bermoqda New York Times.
Xatsusima stansiyasi Vakayama viloyatining Arita shahrida joylashgan. Qadimgi yog'ochli stansiya binosi 1948-yilda qurilgan bo'lib, u bir tarmoq orqali xizmat ko'rsatgan, poyezdlar soatiga bir martadan uch martagacha harakatlanib, kuniga 530 nafar yo'lovchiga xizmat ko'rsatgan.
Yangi stansiyani yig'ish olti soatdan ozroq vaqtni oldi – u oxirgi poyezd o'n ikkida jo'nab ketgandan so'ng darhol boshlandi va oltida birinchi poyezd yetib kelguncha yakunlandi.
Qismlarni chop etish va ularni beton bilan mustahkamlash uchun yetti kun kerak bo'ldi. West Japan Railway Company vakillarining so'zlariga ko'ra, bunday stansiyani an'anaviy usulda qurish ikki oydan ko'proq vaqtni oladi va ikki barobar qimmatga tushadi.
Bino ichki bezaklar va jihozlar, shu jumladan chipta avtomatlari va transport kartalarini o'qish moslamalari bilan jihozlanishi kerak. Stansiya iyul oyida foydalanishga topshirilishi rejalashtirilgan.
Temir yo'l rahbariyati yangi texnologiyalar olis joylarda xizmat ko'rsatishni samarali tashkil etish imkoniyatini berishiga umid qilmoqda, deb xabar beradi korrespondent.net.
