Xabarnomani tuzish uchun bir vaqtning oʻzida quyidagilar asos boʻladi:
jabrlanuvchiga yengil jarohat yetmaganida yoki mol-mulk shikastlanmaganida;
ishtirokchilardan biri oʻz aybiga iqror boʻlganida;
hodisa piyoda ishtirokisiz sodir etilganida;
hodisa faqat 2 ta transport ishtirokida boʻlganida;
ishtirokchilarning fuqarolik javobgarligi sugʻurta qilingan boʻlsa;
haydovchilik guvohnomasi, roʻyxatdan oʻtkazganlik toʻgʻrisidagi guvohnoma, ishonchnoma, yoʻl varaqasi mavjudligi;
haydovchilar mast boʻlmasa;
transportlarning shikastlanishi nizoni keltirib chiqarmasa.
Xabarnoma hodisa sodir boʻlgan joyda darhol ikki nusxada tuziladi.
Xabarnoma quyidagi hujjatlar bilan 3 ish kunida yuboriladi:
hodisa joyining, transportlarning fotosurati;
haydovchilarning sugʻurta hodisasini toʻgʻridan-toʻgʻri hal etish toʻgʻrisidagi arizalari;
haydovchilarning mastligini aniqlash toʻgʻrisidagi bayonnoma;
haydovchilarning hujjatlari, roʻyxatdan oʻtkazilganlik haqidagi hujjatlarning koʻchirma nusxalari, sugʻurta polisining koʻchirma nusxalari.
