Senat huzuridagi Yoshlar parlamenti raisligiga Toʻxtamurodov Behzod Toir oʻgʻli nomzodi koʻrib chiqilib, koʻpchilikning ovozi bilan maʼqullandi.
Behzod Toʻxtamurodov 1996-yil 2-iyulda Toshkent shahrida tugʻilgan, maʼlumoti oliy. Rus va ingliz tillarida erkin soʻzlasha oladi.
Bugungi kunda Oʻzbekiston-Yaponiya yoshlar innovatsiya markazi direktori oʻrinbosari lavozimida faoliyat olib bormoqda. Shuningdek, u xalq deputatlari Toshkent shahar Kengashi deputati hisoblanadi.
2019-yilda Oʻzbekiston Respublikasi Prezidenti tomonidan “Shuhrat” medali bilan taqdirlangan.
