Qaror bilan 2023-2027-yillarda yoshlarni harbiy-vatanparvarlik ruhida tarbiyalash ishlari samaradorligini oshirish kontseptsiyasi hamda uni amalga oshirish boʼyicha “yoʼl xaritasi” tasdiqlandi.
Kontseptsiyada belgilangan tadbirlar 5 bosqichda amalga oshiriladi:
1-bosqich (3–7 yosh);
2-bosqich (7–10 yosh);
3-bosqich (11–17 yosh);
4-bosqich (18–21 yosh);
5-bosqich (22–30 yosh).
Qarorga koʼra, jumladan, quyidagilar amalga oshiriladi:
-mahallalardagi kam taʼminlangan va ehtiyojmand oilalardagi yoshlarni qoʼllab-quvvatlash hamda ularga ijtimoiy yordam koʼrsatish maqsadida “Ezgu amal” saxovat karvonlari tashkil etiladi;
- “Аmir Temur izdoshlari”, “Jaloliddin Manguberdi vorislari” harbiy-sport musobaqalari oʼtkaziladi;
- Yoshlar oʼrtasida 4 bosqichda (mahalla – tuman – viloyat – respublika) “Shunqorlar” hamda “Vatanparvarlar” harbiy-sport musobaqalari oʼtkaziladi.
