Munir Mamedzade so‘nggi uch yilda YUNICEFning Qirg‘izistondagi vakili o‘rinbosari sifatida ishlagan. U faoliyati davomida YUNICEF dasturlarini boshqarish, mazkur tashkilotda hamda BMT tizimidagi tarmoqlararo hamkorlikni muvofiqlashtirish bo‘yicha mas’ul, dasturlarni boshqarish guruhining raisi vazifasini bajargan. U YUNICEFning Ozarbayjon, Moldova, Nepaldagi vakolatxonalarida, shuningdek, Yevropa va Markaziy Osiyo mamlakatlari bo‘yicha mintaqaviy vakolatxonasida ham ishlagan.

YUNICEFdagi mehnat faoliyatidan avval Munir Mamedzade yoshlar masalalari bo‘yicha yirik nodavlat tashkilot ijrochi direktori, Ozarbayjonda Inson huquqlari bo‘yicha Ombudsman idorasining Xalqaro bo‘limi boshlig‘i lavozimlarida ishlagan. U inson huquqlari, xususan, bolalar huquqlari, yoshlar va rivojlanish sohalarida 20 yillik tajribaga ega.

U Moskvada iqtisodiyot mutaxassisligi bo‘yicha tahsil olgan. U Shveysariyaning Friburg universitetining bolalar huquqlari sohasida ilg‘or dastur bo‘yicha magistr darajasiga ega.

Munir Mamedzade Ozarbayjon fuqarosi, ingliz, rus va turk tillarini biladi.

U 2016-yilning oktyabr oyida YUNISEFning Toshkentdagi vakolatxonasi rahbari etib tayinlangan Sasha Graumann o‘rnini egalladi.