Qaror bilan:
seysmologiya, inshootlarning seysmik mustahkamligini va seysmik xafvsizlikni taʼminlash sohasidagi masʼul davlat organlari belgilandi.
Hukumat tarkibiy tuzilmasida ushbu sohani muvofiqlashtuvchi shoʻba va tegishli jamgʻarma tashkil etildi.
Qarorga koʻra:
- 2021-yil 1-apreldan seysmik faol hududda joylashgan mavjud bino va ishootlar, koʻp qavatli turar joylarning seysmik zaifligini baholashga xizmat qiluvchi;
- 2021-yil 1-maydan yangi qurilishi rejalashtirilayotgan koʻp qavatli bino va inshootlarning konstruktiv tizimi, qurilish maydonining seysmiy darajasi kabilarni nazarda tutuvchi elektron texnik pasportlar shakllantiriladi.
Shuningdek, qarorga muvofiq:
2021-yil 1-aprelga qadar aholiga sodir boʻlgan zilzila boʻyicha toʻliq maʼlumot beruvchi mobil ilova yaratiladi.
2020-yil 1-noyabrga qadar barcha suv omborlari va gidrotexnika inshootlarining seysmik mustahkamlik holatini baholash boʻyicha ekspress uslubiyot ishlab chiqiladi.
Qaror bilan Respublikada seysmik xavfsizlikni taʼminlash tizimini takomillashtirish dasturi qabul qilindi.
