Нызамға муўапық, Өзбекстан Республикасында латын жазыўына тийкарланған, 28 ҳәрип ҳәм 1 туйық белгисинен ибарат өзбек әлипбеси енгизиледи. Усы тәризде, әмелдеги 26 ҳәрип ҳәм 3 ҳәрип дизбеги орнына 28 ҳәрип ҳәм 1 туйық белгиси қолланылады.
Жаңа әлипбениң қурамы төмендегише белгиленген:
A a, B b, D d, E e, F f, G g, Ğ ğ, H h, I i, J j, K k, L l, M m, N n, O o, Ö ö, P p, Q q, R r, S s, Ş ş, Ç ç, T t, U u, V v, X x, Y y, Z z ҳәм ’ (туйық белгиси).
Нызамда ески формадағы ҳәриплер бар болған ҳүжжетлер, миллий валюта ҳәм баҳалы қағазлардың әмел етиўи және айланыста болыўы даўам ететуғыны белгиленген. Бундай жағдай олардың ҳуқықый күшине тәсир етпейди.
Сондай-ақ, мәмлекетлик уйымлар ҳәм шөлкемлердиң бурынғы түрдеги ҳәриплер сәўлеленген символикалық белгилери ҳәм басқа да атрибутлары, имаратлардағы Мәмлекетлик гербиниң рельефли көринислери, географиялық объектлердиң атамалары түсирилген вывеска ҳәм көрсеткишлер және Министрлер Кабинети белгилейтуғын басқа да затлар ҳәм дәреклерден олар жарамсыз жағдайға келгенше ямаса Нызамды орынлаўға байланыслы илажлар бағдарламасында белгиленген мүддетке шекем пайдаланылады.
Нызам рәсмий жәрияланған күннен баслап алты ай өткеннен соң күшке киреди.
