12-декабрь күни Ташкентте Халықаралық автомобиль федерациясы (FIA) Бас Ассамблеясы ҳәм FIA Awards сыйлықлаў мәресими болып өтеди. Әҳмийетлиси, бул тарийхый илаж Орайлық Азияда биринши мәрте өткерилмекте.
Пусан қаласында (Корея Республикасы) Жәҳән антидопинг агентлигиниң (WADA) гезектеги Жәҳән конференциясы болып өтпекте. Абырайлы форумда Өзбекстан спорт министри Адҳам Икрамов ҳәм Миллий антидопинг агентлиги директоры Абдушукур Содиқов қатнаспақта.
Жақында ғана капитал реконструкция жумыслары жүргизилип пайдаланыўға тапсырылған Хожели районының орайлық стадионында футбол бойынша 2008-жылда туўылған (U-17) қызлар арасында Қарақалпакстан Республикасы чемпионаты болып ѳтти.
Бул еки Стамбул клубының дербиси еди, соның ушын да Нури Шахин командасының сапарға шығыўы болмады. Солай етип, қаланың бир районынан екинши районына барып, "Режеп Таййип Эрдоған" стадионында жеңилиске ушырады. Бул ушырасыўда узақ тәнепистен кейин биринши мәрте Элдор Шомуродов ҳәм Аббосбек Файзуллаевлар биргеликте стартқа шықты. Ҳәм екеўи де гол урды.
Ҳиндстанда болып өткен шахмат бойынша FIDE жәҳән кубогиниң жеңимпазы, жерлесимиз Жавоҳир Синдоров Ташкентке қайтып келди.
Россияның жетекши ғалаба хабар қураллары - «РИА Новости», «Russia Today», «РБК» ҳәм баспа басылымлары «Московский комсомолец», «Ведомости», «Российская газета», «Комсомольская правда», «Независимая газета», «Известия», сондай-ақ, «Forbes.Ru» тармақлық басылымы өзбекстанлы шахматшының жәҳән кубогындағы жеңисин кеңнен сәўлелендирип келмекте.
Өзбекстан Президенти Администрациясының басшысы Саида Мирзиёева Нөкис қаласындағы Республикалық спорт гимнастикасы мектебиниң ашылыў мәресиминде қатнасты.
ФИФА 2026-жылғы жәҳән чемпионатының қур таслаў ҳаққында мағлыўмат берилди. Шөлкемниң мағлыўматына бола, Өзбекстан сайланды командасы үшинши себеттен орын алды.
АҚШ, Канада ҳәм Мексикада биринши мәрте өткерилетуғын 2026-жылғы футбол бойынша жәҳән чемпионаты алдынан Америка Қурама Штатлары ықласбентлерге визалар өз ўақтында берилиўин тәмийинлеў мақсетинде коньсуллық инфраструктурасын сезилерли дәрежеде күшейтти.
Бүгиннен баслап Президентлик олимпиадасының "Жаңа Өзбекстанның олимпиада шыңлары" спорт бағдарламасы рәсмий түрде басланды.
