"Өзбекстанда финанслық технологиялар тараўын буннан былай да раўажландырыў илажлары ҳаққында"ғы Президент қарары қабыл етилди.
Өткен ҳәптеде, яғный, 24-30-ноябрь күнлери аралығында "Өзбекстан Республикалық товар-шийки зат биржасы" АЖның барлық саўда платформаларында 39 392 саўда дүзилген болып, бул көрсеткиш алдынғы ҳәптедегиге салыстырғанда 9,7 процентке артқан. Соннан 32,3 проценти биржа саўдаларына, қалған 67,7 проценти электрон коммерция бойынша саўда системаларына туўра келген.
Миллий статистика комитети мағлыўматларына бола, 2025-жылдың ноябрь айында тутыныў секторы товарлары ҳәм хызметлериниң орташа баҳалары 0,7 процентке өскен.
Экономика ҳәм қаржы министрлиги Бюджет кодексиниң 29-статьясына муўапық таярланған "2026-жыл ушын Өзбекстан Республикасының Мәмлекетлик бюджети ҳаққында"ғы нызам жойбары ҳәм тийисли бюджет сметасын усынды.
"Ипотека облигацияларын шығарыў тараўында "Тәртипке салыў қум қутысы" арнаўлы ҳуқықый режими шеңберинде ипотека облигацияларын шығарыў ҳәм олардың айланысы ҳаққында"ғы Ўақытша реже Әдиллик министрлигинен дизимнен өткерилди (дизимнен өткериў № 3700, 11.11.2025-жыл).
"Өзбекстан Республикасы аймағында банк карталарын шығарыў ҳәм олардың айланысы қағыйдалары ҳаққындағы режеге өзгерислер ҳәм қосымшалар киргизиў ҳаққында"ғы буйрық Әдиллик министрлигинен дизимнен өткерилди (дизимнен өткериў тәртип номери: 3294-3, 11.11.2025-жыл).
Азия раўажланыў банки Өзбекстан ҳүкиметиниң микро, киши ҳәм орта кәрханалар, әсиресе, ҳаял-қызлар басшылығындағы кәрханалар ушын қаржы алыў имканиятын кеңейтиў бағдарындағы ҳәрекетлерин қоллап-қуўатлаў мақсетинде 300 миллион доллар, соның ишинде, жеңиллетилген шәртлерде 100 миллион доллар муғдарында қарыз алыўды мақуллады. Сондай-ақ, қаржылар мәмлекеттиң микроқаржыландырыў секторын беккемлеўге қаратылады.
Өзбекстан Республикасы Президентиниң "Медицина ҳәм фармацевтика хызметкерлерин қоллап-қуўатлаў илажлары ҳаққында"ғы қарары қабыл етилди.
2025-жыл 4-ноябрь күни Өзбекстан Республикасы инвестициялар, санаат ҳәм саўда министриниң кеңесгөйи Абдулла Ҳошимов Union de Banques Arabes et Françaises (UBAF) компаниясы ўәкиллери - регионаллық директорлар Оливье Гризар ҳәм Оливье Топуз пенен ушырасыў өткерди.
