Германия пайтахты Берлин қаласының орайында Өзбекстан Саўда-санаат палатасы, елимиздиң Германиядағы елшиханасының жәрдеминде ҳәм германиялы исбилерменлердиң басламасы менен Өзбекстанда ислеп шығарылған өнимлер көрсетилген биринши саўда үйи ҳәм «UZ Trade House Germany» көргизбе залының салтанатлы ашылыў мәресими болып өтти.
Өзбекстан Республикасы Президентиниң 2025-жыл 3-декабрьдеги ПҚ-240-санлы қарары менен ҳаял-қызларды қоллап-қуўатлаў бойынша қосымша илажлар белгиленди.
Ташкентте Өзбекстан ҳәм Россия арасында экономикалық бирге ислесиў бойынша ҳүкиметлераралық комиссияның 26-мәжилиси шеңберинде 3-декабрь күни еки мәмлекет исбилермен топарларының қатнасыўында бизнес-форум болып өтти.
3-декабрь күни Өзбекстан Саўда-санаат палатасы баслығының кеңесгөйи Алишер Шайхов, Киши бизнес ассоциациясының баслығы Камолат Мирзалиева ҳәм Россия Федерациясының Киши ҳәм орта исбилерменликти раўажландырыў корпорациясы бас директорының орынбасары Никита Банцекинниң қатнасыўында ушырасыў болып өтти.
Бүгин Ташкент қаласында Ферғана ўәлаяты ҳәкими Хайрулло Бозоров Россия Федерациясының Омск ўәлаяты ҳәкими Виталий Хоценко менен ушырасыў өткерди. Аймақлар арасындағы өз-ара пайдалы еки тәреплеме бирге ислесиўди кеңейтиў мәселеси додалаўдың тийкарғы темасы болды.
Наўайы ўәлаяты ҳәкими Нормат Турсунов Корея Республикасының Өзбекстандағы Айрықша ҳәм толық ҳуқықлы елшиси мырза Вон До Ён менен ушырасты.
Усы жылдың 21-22-октябрь күнлери Москва ўәлаятында болып өткен Россия ҳәм Өзбекстан аймақларының II Кеңеси шеңберинде Наўайы ўәлаяты делегациясы Россия Федерациясының бес ўәлаяты менен бир қатар ҳүжжетлерге қол қойды. Атап айтқанда, сапар даўамында Наўайы ўәлаяты ҳәкимлиги ҳәм Чуваш Республикасы Министрлер Кабинети арасында саўда-экономикалық, илимий-техникалық, мәдений ҳәм социаллық-гуманитарлық тараўларда халықаралық ҳәм сыртқы экономикалық байланысларды әмелге асырыў ҳаққындағы келисимге қол қойылды.
28-ноябрь күни Өзбекстан Инвестициялар, санаат ҳәм технологиялар министрлигиниң басшысы Лазиз Қудратов Австрия қаржы министриниң орынбасары Андреас Райхардт пенен ушырасты.
Миллий статистика комитетиниң мағлыўматларына бола, 2025-жылдың январь-октябрь айларында Өзбекстанның импорт көлеми 37,5 миллиард АҚШ долларын қураған. Өткен жылдың усы дәўирине салыстырғанда импорт 16,9 процентке артты.
Миллий статистика комитети мағлыўматларына бола, 2025-жылдың январь-октябрь айларында Өзбекстанның усақлап сатыў товар айланысы 356,6 триллион сумды қурап, өткен жылдың усы дәўирине салыстырғанда 10,3 процентке өскен.
