Аталған өзгерістер Бюджет кодексіне енгізілген жаңа
нормалар негізінде әзірленді. Оған сәйкес:
жергілікті бюджеттерді жоспарлау кезінде жергілікті
мемлекеттік биліктің өкілдік органдарының рөлі күшейтіліп, табысты болжамын,
қаражаттардың алдын ала көлемін және бюджетаралық трансферттер бойынша
ұсыныстарды қалыптастыруға міндеті белгіленді;
бюджет сұраныстарындағы негізсіз немесе тиімділігі
төмен шығыстарды қысқарту механизмі енгізілді. Тиісті ұйымдар хабарлама
алғаннан кейін 3 жұмыс күні ішінде жаңартылған бюджет сұранысын ұсынуы тиіс;
бюджет қаражатын бөлушілердің даму бағдарламалары
кемінде 3 жылға әзірленеді. Онда нақты нәтижелік көрсеткіштер мен күтілетін
әлеуметтік-экономикалық тиімділік белгіленеді;
жергілікті бюджеттерге бюджеттік ссуда бөлу туралы өтінім 5 жұмыс күні ішінде
қаралады. Қарау нәтижесі туралы өтініш берушіге 1 жұмыс күні ішінде
хабарланады;
мемлекеттік қаржының тұрақтылығын бағалау мақсатында
жалпы фискалдық балансты қалыптастыру және есептеу тәртібі белгіленді.
Бұл өзгерістер бюджет қаражатын тиімді әрі мақсатты
пайдалануды қамтамасыз етуге бағытталған.
