Басылымда кандидаттарды таңдау және жұмысқа орналастыру үдерістерін екі елдің мемлекеттік органдары арасындағы тікелей ынтымақтастық негізінде ұйымдастыру өзбекстандық азаматтар үшін заңды, қауіпсіз әрі лайықты еңбек жағдайларын қамтамасыз ететіні, ал Италия жұмыс берушілері үшін білікті және сенімді кадрлар қорын қалыптастыруға мүмкіндік беретіні атап өтілген.

Италияда еңбек базарына сұраныс артып келеді

Қазіргі таңда Өзбекстан халқының саны шамамен 40 миллион адамға жеткен, оның басым бөлігін жастар құрайды. Жыл сайын еңбек базарына жүз мыңдаған жаңа маман қосылатындықтан, елде азаматтарды кәсіпке баулу, шетел тілдерін оқыту және халықаралық еңбек базарының талаптарына сай кадрлар даярлауға ерекше көңіл бөлінуде.

Осы тұрғыдан алғанда, Италия болашағы зор серіктестердің бірі ретінде қарастырылып отыр. Мемлекетте жұмыс күшінің тапшылығы байқалғандықтан, 2026–2028 жылдарға арналған «Десрето Флусси» бағдарламасы аясында 500 мыңға дейін шетелдік жұмысшыны заңды негізде тарту жоспарланған.

Сарапшылардың пікірінше, аталған бағдарламаның тиімділігі мемлекеттік мекемелер арасындағы ашық әрі тікелей ынтымақтастық механизмнің дұрыс жолға қойылуына байланысты.

Мемлекетаралық ынтымақтастық – негізгі фактор

Мақалада негізгі мақсат Италия жұмыс берушілері мен Өзбекстанның өкілетті мемлекеттік органдары, атап айтқанда Мишрация агенттігі арасында қарапайым, ашық әрі тікелей ынтымақтастық жүйесін қалыптастыру екені айтылған.

Сонымен қатар еңбек миграциясында қатысты барлық рәсімдердің заңды негізде ұйымдастырылуының маңыздылығы ерекше атап өтілген. Осы жүйе арқылы үміткерлер Өзбекстанның өзінде кәсіби даярлықтан өтеді, шетел тілдерін меңгереді және қажетті сертификаттарға ие болады. Соның нәтижесінде Италия жұмыс берушілері қызметкерлердің біліктілігі туралы алдын ала толық ақпарат алады.

Материалда қазіргі таңда көптеген өзбекстандықтардың Италияда білім алып жүргені, сондай-ақ Италияның үш жоғары оқу орны Өзбекстанда бірлескен білім беру бағдарламаларын жүзеге асырып жатқаны да айтылған. Бұл екі ел арасындағы білім беру және еңбек саласындағы байланыстардың барған сайын нығайып келе жатқанын көрсетеді.

Кадрлар даярлау жүйесі жаңа кезеңге көтерілуде

Соңғы жылдары Өзбекстан халықаралық еңбек базарына кадр даярлау жүйесін жүйелі түрде жетілдіріп келеді. Еңбек миграция бағдарламалары аясында азаматтар кәсіби дайындықтан өтеді, шетел тілдерін меңгереді және қабылдаушы елдердің еңбек базары талаптарына сәйкес арнайы оқу курстарынан өтуде.

Бұл тәжірибе Италиямен ынтымақтастықты одан әрі кеңейтуге, өзбекстандық азаматтардың заңды әрі қауіпсіз еңбек қызметін қамтамасыз етуге, сондай-ақ екі мемлекет арасындағы экономикалық қатынастарды нығайтуға ықпал етеді деп күтілуде.