Ресми мәлімдемеде Өзбекстан АҚШ пен Иран басшылығының
шешуші кезеңде танытқан саяси ерік-жігері мен көрегендігін жоғары бағалайтыны
атап өтілді. Сондай-ақ қол жеткізілген келісім халықаралық қауымдастық көптен
күткен бейбітшілікке жету үшін берік негіз қалыптастыратыны айтылған.
Бұдан тыс, аталған меморандумға қол жеткізу үшін
қажетті жағдай жасауға үлес қосқан Пәкістан мен Қатардың, сондай-ақ Түркия,
Сауд Арабиясы, Мысыр және басқа да аймақтық серіктестердің күш-жігері жоғары
бағаланды.
Өзбекстан келіссөздердің келесі кезеңдері сындарлы
рухта жалғасып, қол жеткізілген келісімдердің тиімді жүзеге асырылатынына үміт
білдірді.
Мәлімдемеде қақтығыстар мен қайшылықтарды халықаралық
құқық қағидаттары, өзара құрмет және барлық тараптардың мүдделерін ескеру
негізінде дипломатиялық жолмен шешу бейбітшілік пен қауіпсіздікті қамтамасыз
етудің басты шарты екені тағы да атап көрсетілді.
