Янги тартибга кўра, йўловчилар автобусга чиқиши билан йўлкира ҳақини тўлаши шарт.

Тўлов транспорт ёки ижтимоий картани валидаторга теккизиш, шунингдек, банк картаси, смартфон ва бошқа контактсиз тўлов воситалари орқали амалга оширилади. Тизимда NFC, QR ва биометрик тўлов технологияларидан фойдаланиш имкониятлари ҳам назарда тутилган.

Агар йўловчи автобусга чиқиш вақтида йўлкира ҳақини тўламаса ёки имтиёзга эга эканини тасдиқламаса, у чиптасиз ҳаракатланаётган деб ҳисобланиши ва жаримага тортилиши мумкин.

Янги тартибнинг асосий мақсади йўлкира тўловларини аниқ ҳисобга олиш, нақд пулга боғлиқликни камайтириш ҳамда жамоат транспортида электрон тўлов маданиятини кучайтиришдан иборат.