Маълум қилинишича, мазкур рейс учун дастлаб белгиланган Airbus A330 самолётига чақмоқ урилиши оқибатида ҳаво кемаси техник хизмат кўрсатишга юборилган. Бу эса авиакомпаниянинг кейинги қатор рейслари кечикишига сабаб бўлган.
Рейсни жадвал асосида амалга ошириш мақсадида борт сиғими кичикроқ бўлган Airbus A320 самолётига алмаштирилган. Натижада 40 нафар йўловчи ушбу рейс билан уча олмаган.
Авиакомпания маълумотига кўра, йўловчиларга чипта пулини тўлиқ қайтариш ёки энг яқин бўш рейсларга, жумладан бошқа авиакомпаниялар рейсларига қайта банд қилиш таклиф этилган. Кутиш вақти узоқ давом этган йўловчилар меҳмонхонага жойлаштирилган.
Шунингдек, юзага келган ноқулайликлар учун йўловчиларга ички йўналишлардаги кейинги парвоз учун 50 фоизли чегирма промокоди, битта бепул багаж жойи ва қўшимча қулайликка эга ўриндиқ тақдим этилиши билдирилди.
Centrum Air йўловчилардан юзага келган ноқулайликлар учун узр сўраган.
