Энди картада ҳар доим камида 3 та базавий ҳисоблаш миқдори (БҲМ) сақланиши шарт.

Бу ўзгаришга кўра, акцептсиз ечиб олиш операциялари балансни нолга туширмайди — маблағлар фақат белгиланган минимал қолдиқдан ортиқ қисми доирасида ечиб олинади.

Маълум қилинишича, акцептсиз ечиб олишлар асосан карта эгаларининг банклар ва бошқа молиявий ташкилотлар олдидаги мажбуриятларини (кредитлар, бўлиб-бўлиб тўловлар ва бошқалар) сўндириш учун қўлланилади.

Янгиланган тартиб UZCARD тўлов тизими қоидаларига мувофиқ амалга оширилди. Шунингдек, ушбу шартлар банк томонидан мижоздан олинган ва ОТП орқали тасдиқланган карта реквизитларига нисбатан татбиқ этилмайди.

Қайд этилишича, тизим иштирокчиси бўлган банклар билан ҳамкорликда зарур техник янгиланишлар аллақачон жорий қилинган.