Бу ҳақда Pars Today хабар берди.
Маълум қилинишича, делегация таркибига хавфсизлик, сиёсат, ҳарбий, иқтисод ва ҳуқуқ соҳаларига оид қўмиталар вакиллари кирган. Музокаралар Эрон томони илгари сурган дастлабки шартлар қабул қилинган тақдирда бошланиши билдирилган.
Сафарда шунингдек, Эрон ташқи ишлар вазири Саййид Аббос Арақчи, мудофаа кенгаши котиби Али Акбар Аҳмадиян, Марказий банк раҳбари Абдолнасир Ҳимматий ҳамда парламент депутатлари иштирок этмоқда.
Хабарларга кўра, Исломободга АҚШ томонидан ҳам юқори даражадаги вакиллар, жумладан, Жей Ди Вэнс, Стив Виткофф ва Жералд Кушнер етиб келган.
Маълумотларга кўра, ҳарбий ҳаракатлардан сўнг томонлар ўртасида ўт очишни тўхтатиш бўйича таклиф илгари сурилган.
Эрон икки ҳафталик сулҳга розилик билдирган, бироқ музокаралар натижаси уни қониқтирмаса ва жанговар ҳаракатлар қайта бошланса, минтақадаги АҚШ манфаатлари ва Исроил яна нишонга олиниши мумкинлиги таъкидланган.
