Шу муносабат билан 17 сентябрь куни Ўзбекистон Республикаси Ички ишлар вазирлиги Халқаро ҳамкорлик бошқармаси раҳбарияти билан учрашув ўтказилди.

Учрашувда Сирил Гу Франция Ички ишлар вазирлиги томонидан Марказий Осиё давлатларининг ҳуқуқ-тартибот органлари билан ҳамкорликни мувофиқлаштириш учун масъул этиб белгиланганини маълум қилди.

Тошкентда фаолият юритиши Ўзбекистон ва Франция ўртасида ҳуқуқ-тартибот соҳасидаги ҳамкорликни янада ривожлантиришга хизмат қилиши таъкидланди.

Мулоқот давомида икки мамлакат ички ишлар вазирликлари ўртасидаги ҳамкорликни янги босқичга олиб чиқиш, жумладан, ходимларнинг малакасини ошириш, ўзаро тажриба алмашиш ҳамда юқори даражадаги ўзаро ташрифларни ташкил этиш масалалари муҳокама қилинди.

Томонлар ҳамкорликни янада жадаллаштириш ва мавжуд алоқаларни мустаҳкамлаш бўйича биргаликда иш олиб боришга келишиб олди.

Учрашув якунида Сирил Гуга масъулиятли фаолиятида муваффақият тилади.