Кеча, 26 апрель куни Давлатобод тумани ФВ бўлими қутқарув қисми қутқарувчиси Асқаров Улуғбек хизматдан уйга қайтаётган вақтда, Янги Наманган тумани "Мингтерак" МФЙ ҳудудидан оқиб ўтувчи "Катта Наманган" каналида 3 ёшли болани оқиб кетаётганлигини кўриб, зудлик билан сувга шўнғиган ҳамда чўкаётган болани қутқариб, унинг ҳаётини сақлаб қолган. Ҳозирда унинг аҳволи яхши.