Қарорга кўра, 2026 йил 1 декабрдан:
Туризм қўмитаси ҳузуридаги Туризмни ривожлантириш илмий-тадқиқот институтига (Институт) гидларга (гид-таржимонларга) уларнинг хоҳишига кўра ҳаваскор, ихтисослашган ва профессионал малака тоифасини бериш ваколати берилади;
малака сертификати чекланмаган муддатга берилади;
гид сифатида сўнгги 2 йил давомида фаолият юритмаган шахслар малака имтиҳонини қайта топширади.
Қарор билан “Гидларга (гид-таржимонларга) малака тоифасини бериш тартиби тўғрисида”ги низом тасдиқланди.
Низомга кўра, малака тоифаси ихтиёрий асосда берилади ҳамда унинг мавжуд эмаслиги гидларнинг (гид-таржимонларнинг) қонунчиликда белгиланган тартибда олинган малака сертификати асосида фаолият юритиш ҳуқуқини чекламайди.
Гидларга (гид-таржимонларга) қуйидаги малака тоифалари берилади:
ҳаваскор гид малака тоифаси;
ихтисослашган гид малака тоифаси;
профессионал гид малака тоифаси;
олтин фонд гиди малака тоифаси.
Малака тоифаси беришда қуйидагилар инобатга олинади:
касбий билим ва амалий кўникмалар;
экскурсия хизматларини ташкил этиш ва ўтказиш маҳорати;
экскурсия объектлари бўйича билим даражаси;
туристлар билан мулоқот маданияти;
хорижий тилларни билиш даражаси;
касб этикаси қоидаларига риоя қилиниши.
Талабгорга малака тоифасини бериш касбий имтиҳонни топшириш натижаларининг энг кам кўрсаткичи қуйидагича белгиланади:
56 фоиздан 70 фоизгача – ҳаваскор гид малака тоифаси;
70 фоиздан ва 85 фоизгача – ихтисослашган гид малака тоифаси;
86 фоиздан юқори ва 100 фоизгача – профессионал гид малака тоифаси.
