Исроил кучлари томонидан ўққа тутилиши оқибатида гуманитар ёрдам учун навбатда турган фаластинлик ҳалок бўлди

Воқеа-ҳодисалар 20 фев 2024, 10:40 1 033

Исроил аскарлари Ғазо шаҳрида гуманитар ёрдам олиш учун навбатда турган бир гуруҳ одамларга қарата ўт очди. Қатарнинг Al Jazeera телеканалига кўра, камида бир нафар фаластинлик ҳалок бўлган, бир неча киши яраланган.

Эълон қилинган видеода одамлар отишма бошланганидан кейин яшириниш учун югураётгани акс этган. Фаластиннинг WАFA ахборот агентлигига кўра, камида 10 киши жароҳатланган, деб хабар беради tass.ru.