Комбинат фаолияти навбатдаги ISO 37301:2021 халқаро стандарти талабларига мувофиқлиги мувоффақиятли аудитдан ўтказилди. Ушбу аудит натижаси бўйича 3 август куни мазкур халқаро сертификатни топширишга бағишланган тадбир ўтказилди. Сертификатни «НКМК» АЖ Бошқаруви раиси – Бош директори Қувондиқ Санақулов қабул қилди.

ISO 37301:2021 «Комплаенс-менежмент тизими» халқаро стандарти самарали ва кенг тарқалган бошқарув тизими бўлиб, ташкилотга тегишли қонун, қоидалар, стандартлар, шунингдек, бошқарув стандартлари, илғор амалиётлар, ахлоқий стандартлар ва жамоатчилик кутилмаларига риоя қилишини тасдиқловчи халқаро стандарти ҳисобланади.

Комбинатда ISO 37301:2021 халқаро стандартининг жорий этилиши ходимларнинг ҳалоллигини ошириш, ҳуқуқбузарликларни камайтириш, компаниянинг халқаро нуфузи, имижини юксалтириш ҳамда фаолиятининг шаффоф ва самарали тизимини яратиш учун муҳим аҳамиятга эга.

Ушбу стандартни жорий этишда Ўзбекистон Республикаси Коррупцияга қарши курашиш агентлигининг методологик жиҳатдан кўрсатган ёрдамини алоҳида эътироф этиш лозим.

Тадбирда Коррупцияга қарши курашиш агентлиги директори ўринбосари Умида Тўхташева видеоконференс алоқа орқали иштирок этиб, комбинат жамоасини ушбу ютуқ билан табриклади ва ўз фикр-мулоҳазаларини билдирди.

«НКМК» АЖ Комплаенс хизмати
Реклама