У ўз постида дунёнинг энг иқтидорли ёш дастурчиларини бир майдонга жамлаган мазкур нуфузли олимпиаданинг аҳамиятини таъкидлади.
Шунингдек, IOI 2026 ғолибларига Telegram томонидан махсус рақамли коллекциялар — «Algorithm Cups» тақдим этилишини маълум қилди.
Павел Дуров олимпиаданинг айнан Ўзбекистонда — алгебра фанининг буюк асосчиси Муҳаммад ал-Хоразмий ватанида ўтказилаётганини ҳам алоҳида қайд этди. «Algorithm» сўзининг ҳам Ал-Хоразмий номи билан боғлиқ экани ушбу тадбирнинг Ўзбекистонда ўтказилишига ўзига хос тарихий мазмун бағишлаши таъкидланган.
Бугун Тошкент дунёнинг турли мамлакатларидан келган энг кучли ёш дастурчиларни бир майдонга бирлаштирмоқда.
Павел Дуров томонидан IOI 2026 ва Ўзбекистоннинг олимпиадага мезбонлик қилаётганига билдирилган эътироф мамлакатимиз учун катта шараф ва масъулиятдир.
