2026 йил 22 август куни соат 06:47 да Қизилўрда вилояти Бирғазон туманидаги KAZ06 давлат аҳамиятидаги «Қорабутак — Қизилўрда — Чимкент» автомобиль йўлининг 1831–1836-километрларида «Nexia-2» ва «Kamaz» русумли автомобиллар тўқнашган.
Ҳодиса оқибатида «Nexia-2» автомобили салонида бўлган 3 нафар Ўзбекистон фуқароси воқеа жойида вафот этган.
Фавқулодда вазиятлар вазирлиги масъул вазирлик ва идоралар билан ҳамкорликда ишчи гуруҳ тузиб, ҳалок бўлганларнинг жасадларини Ватанга олиб келиш ва уларнинг оила аъзоларига зарур ёрдам кўрсатиш чораларини кўрмоқда.
Айни пайтда вазирлик масъул ходимлари Қозоғистонлик ҳамкасблари билан доимий алоқада бўлиб, ЙТҲ сабабларини ўрганиш бўйича ҳамкорлик қилмоқда.
