Бош прокуратура ҳузуридаги Департаментнинг Сергели тумани бўлими томонидан ўтказилган терговга қадар текширувда банк масъул шахслари фуқаро И.М.нинг омонатга қўйилган 500 минг АҚШ долларидан 300 минг долларини ўзлаштириб, талон-торож қилгани аниқланган.

Маълум қилинишича, гумонланувчилар И.М.нинг номидан қалбаки ариза ва бошқа ҳужжатларни расмийлаштирган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ҳамда 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилган.

Ҳозирда тергов ҳаракатлари олиб борилмоқда.